Vika opins aðgangs var haldin í 13. skipti í síðustu viku. Háskólabókasöfn á Íslandi ákváðu að vinna saman þetta árið og skrifaðar voru fimm ólíkar greinar um opinn aðgang sem birtust allar á Kjarnanum dagana 19-23. október:
Rósa Bjarnadóttir, forstöðumaður bókasafns og upplýsingaþjónustu Listaháskóla Íslands reið á vaðið og skrifaði um skort á stefnu frá stjórnvöldum um opinn aðgang að rannsóknarniðurstöðum:
Guðrún Þórðardóttir, bókasafns- og upplýsingafræðingur, Landbúnaðarháskóla Íslands, skrifaði um kostnaðinn við að birta og lesa vísindagreinar:
Hvers vegna kostar 5.000 krónur að lesa vísindagrein?
Þann 21. október skrifaði Þórný Hlynsdóttir, forstöðumaður bókasafns Háskólans á Bifröst, um aðgerðasinnana Aaron Schwarz og Alexöndru Elbakyan og baráttu þeirra fyrir opnu aðgengi að vísindaefni:
Píratadrottningin og hakkarinn
Sara Stef. Hildardóttir, forstöðukona Bókasafns Háskólans í Reykjavík fjallaði um áhrif Covid á aðgengi að upplýsingum í samhengi við svokallað hringrásarhagkerfi:
Covid, opinn aðgangur og ekki-hringrásarhagkerfi
Að lokum fjallaði Sigurgeir Finnsson, verkefnastjóri á Landsbókasafni Íslands – Háskólabókasafni, um ólíkar leiðir til birtingar í opnum aðgangi og kosti þess að birta samkvæmt grænu leiðinni:
Gulur, gylltur, grænn og brons: Opinn aðgangur og flókið litróf birtinga
Samstarf háskólabókasafna á Íslandi hefur ávallt verið gott og samstarfið um baráttuna fyrir opnum aðgangi er þar engin undantekning. Við munum halda áfram að vinna saman og vekja athygli á þessu brýna málefni..