Um opinn aðgang á Íslandi
Hvað er rányrkjutímarit (e. predatory journal) og hvernig er hægt að þekkja þau frá vönduðum tímaritum?
Hér fyrir neðan er ágætis myndband frá vefnum Thinkchecksubmit.org sem fer yfir helstu atriði sem gott er að skoða. Sjá einnig umfjöllun okkar Um rányrkjutímarit.
Út er komin skýrsla á vegum IAP (The InterAcademy Partnership) Science, Health, Policy sem ber heitið „Combatting Predatory Academic Journals and Conferences“ eða „Baráttan við rányrkjutímarit og ráðstefnur“. Útdráttur skýrslunnar er sannarlega verðug lesning fyrir alla rannsakendur og tengist einnig umræðunni um opinn aðgang.
Í skýrslunni kemur fram að svokölluð rányrkju- eða gervitímarit eru talin vera yfir 15.500 talsins. Kveikjan að bæði rányrkjutímaritum og ráðstefnum af sama toga eru hagnaðarsjónarmið en ekki fræðimennska. Falast er eftir greinum/útdráttum frá rannsakendum með aðferðum sem nýta sér þann þrýsting sem er á fræðimenn að gefa út og birta sem mest.
Lesa áfram „Skýrsla frá IAP um rányrkjutímarit og ráðstefnur“