Author: Margrét Gunnarsdóttir

Vika opins aðgangs hefst í dag, 25. október og lýkur 31. október.

Af því tilefni kynnum við eftirfarandi hlaðvarp:

Þáttur 1. Áhrif opins aðgangs á akademískar rannsóknir
Sara Stef. Hildardóttir og Sigurgeir Finnson, upplýsingafræðingar, ræða um opinn aðgang og áhrif á akademískar rannsóknir.

Við vekjum einnig athygli á nýlegum leiðbeiningum  hér á vefnum fyrir rannsakendur sem vilja birta í opnum aðgangi.

Vikan er alþjóðlegt samstarfsverkefni háskólabókasafna víðsvegar um heiminn  en íslensk háskólabókasöfn hafa tekið þátt í tæpan áratug.

Vikan varpar ljósi á hagsmunabaráttu akademískra rannsakenda gagnvart útgefendum fræða- og vísindatímarita en það er þróun sem sér því miður ekki fyrir endann á. Þar hafa hin Norðurlöndin töluvert forskot en þau eru komin lengra en Ísland með sínar stefnur og tilskipanir varðandi opinn aðgang.

Vikan fer alfarið fram á skjánum með tenglum á efni sem vinnuhópur um opinn aðgang hefur framleitt og tekið saman.*

Á hverjum degi mun birtast áhugavert efni á Facebook síðu Landsbókasafns: sem jafnframt verður aðgengilegt á hér á vefnum openaccess.is.

Alþjóðleg vika opins aðgangs er að þessu sinni dagana 25. – 31. október og ber yfirskriftina „It Matters How We Open Knowledge: Building Structural Equity“ sem þýða mætti lauslega „Það skiptir máli hvernig við veitum aðgang að þekkingu. Byggjum upp sanngjarnt kerfi“.

Af því tilefni munu háskólasöfn á Íslandi bjóða upp á fróðleg hlaðvörp þar sem m. a. er rætt við rannsakendur og upplýsingafræðinga og birta greinar sem varða stöðu mála varðandi opinn aðgang o.fl. hér á landi.

Meira um þetta á næstunni.