Landsaðgangur að rafrænum áskriftum (hvar.is) hefur gert „umbreytandi“ samninga (Transformative Agreements) um birtingar í opnum aðgangi við fjóra útgefendur; Elsevier, Springer Nature, Sage og Karger. Samningarnir snúa að því að gera fræðimönnum kleift að birta greinar gjaldfrítt í opnum aðgangi í svokölluðum blönduðum (hybrid) tímaritum – tímaritum sem birta greinar bæði í opnum aðgangi og lokuðum. Hjá Karger gildir þetta einnig um tímarit sem eru alfarið í opnum aðgangi, en þar býður Sage einungis afslátt af birtingagjöldum.

Landsaðgangur er samlag um 200 þátttakenda sem greiða fyrir áskriftir að rafrænum tímaritum og gagnasöfnum. Aðgangur að áskriftaefni er opinn öllum á Íslandi sem tengjast internetinu í gegnum íslenskar netveitur. Vefur Landsaðgangs er hvar.is

Samningur Landsaðgangs við Elsevier 2026-2028
Landsaðgangur að rafrænum áskriftum hefur gert samning við Elsevier sem gildir 2026-2028.

Hvað felur samningurinn í sér?
Samningurinn heimilar birtingar í opnum aðgangi í blönduðum tímaritum hjá Elsevier þar sem birtingagjöld (APC) eru innifalin í áskriftum Landsaðgangs.

Takmarkaður fjöldi birtinga
Árlegur fjöldi greina sem hægt er að birta er takmarkaður:

• 119 greinar 2026
• 127 greinar 2027
• 136 greinar 2028
• Hér gildir reglan – fyrstur kemur, fyrstur fær
  

Þegar árlegum hámarksfjölda án birtingagjalda hefur verið náð, ber stofnunum og/eða höfundum að greiða birtingagjöld.

Hverjir geta nýtt samninginn?
Samningurinn um rétt til að birta í opnum aðgangi, gildir einungis fyrir þær stofnanir sem taka þátt í Landsaðgangi og greiða útsenda reikninga fyrir tímaritahlutann.

Stofnanirnar eru:

Listi yfir tímarit:
Tímaritalisti – blönduð tímarit Elsevier (PDF)

Lesaðgangur aftur til 1995
Að auki er lesaðgangur að tímaritum ScienceDirect sem nær í mörgum tilfellum aftur til ársins 1995.

Elsevier
Elsevier er stærsti útgefandi vísindatímarita og nær útgáfan yfir fjölbreytt fræðasvið, þar á meðal náttúruvísindi, heilbrigðisvísindi, verkfræði, félagsvísindi, hugvísindi og þverfaglegar greinar. Tímarit Elsevier eru aðgengileg í gegnum ScienceDirect

Birting í tímaritum frá Springer Nature

Springer Nature sérhæfir sig í útgáfu vísinda og fræðirita á sviði tækni, náttúruvísinda, heilbrigðisvísinda, félags- og hugvísinda. Samningurinn gefur íslenskum höfundum kost á að birta greinar gjaldfrítt í opnum aðgangi í blönduðum tímaritum.

Árlegur fjöldi greina er takmarkaður:

• 45 greinar 2026
• 46 greinar 2027
• 47 greinar 2028
• Hér gildir – fyrstur kemur, fyrstur fær.

Samningurinn gildir einungis fyrir höfunda starfandi hjá stofnunum sem hafa greitt í tímaritahluta Landsaðgangs.

Listi yfir tímarit:
Tímaritalisti Springer Nature (PDF)

Birting í tímaritum frá Sage

Sage er útgefandi fræðiefnis sem gefur út tímarit og bækur á sviði félags-, hug-, heilbrigðis- og lífvísinda.

Samningurinn felur í sér að fram til 31. desember 2026 geta íslenskar stofnanir og sjálfstætt starfandi fræðimenn, birt greinar í blönduðum tímaritum Sage, sér að kostnaðarlausu. Samningurinn veitir einnig afslátt á birtingagjöldum fyrir greinar í tímaritum sem eru í opnum aðgangi samkvæmt gylltu leiðinni.

Hægt er að birta ótakmarkaðan fjölda greina og engin skilyrði eru fyrir því hjá hvaða stofnun höfundur starfar. Sage metur hvort hver og einn höfundur er hæfur (eligible).

Höfundar sem tengjast íslenskum stofnunum og hafa vinnutengd tölvupóstföng eru gjaldgengir til að birta greinar í tímaritum í Premier 2019 tímaritapakka sem er í landsaðgangi.

Helstu atriði samningsins við Sage:

• Höfundar greina sem birtast í opnum aðgangi geta vistað „post-print“ útgáfu í varðveislusafni – opinvisindi.is. Græna leiðin (Green Open Access).
• Greinar í opnum aðgangi eru samkvæmt CC-BY birtingarleyfum. Sjálfgefin (e. by default) stilling við innsendingar greina í kerfum Sage er CC BY NC birtingarleyfi.
• Höfundar halda höfundarétti sínum og framselja hann ekki til útgefenda (e. non-exlusive rights).
• Umsjónarmaður Landsaðgangs mun staðfesta við útgefanda að höfundar tengist íslenskum stofnunum og eigi rétt á að fá birtingu á greinum í opnum aðgangi samkvæmt samningnum.

Listar yfir tímarit:
Tímaritalisti Sage (PDF)
Tímaritalisti Sage (by discipline) (PDF)

---

Birting í tímaritum frá Karger

Karger er útgefandi sem sérhæfir sig í tímaritum innan heilbrigðisvísinda.

Samningurinn felur í sér að árin 2025-2027 geta íslenskir vísindamenn sem tengjast íslenskum stofnunum og vilja birta greinar í tímaritum Karger, sótt um niðurfellingu birtingagjalds.

Þetta gildir bæði um greinar sem birtar eru í tímaritum sem eru alfarið í opnum aðgangi og í blönduðum tímaritum.

Hægt er að birta ótakmarkaðan fjölda greina og engum takmörkunum háð, hvar höfundur starfar. Karger metur hæfi (eligible) höfundar.

ATH: Þegar þú sendir inn handrit í tímarit frá Karger þarftu að gæta þess að nota íslenskt netfangi (endar á .is)

Innsend handrit geta verið af eftirfarandi tegund:

• Original research articles
• Review articles
• Proceedings
• Letters
• Editorials

ATH: Leiðbeiningar um innsendingu greina til birtingar hjá Karger (á ensku)

Listar yfir tímarit:
Tímaritalisti Karger (PDF)
Tímarit á vef Karger

---