Category: Opin gögn

Birt þann

Rannsóknargögn og framtíðin

Í greininni Formatting the Future: Why Researchers Should Consider File Formats eftir Dr Kim Clugston, Research Data Coordinator, OSC og
Dr Leontien Talboom, Technical Analyst, Digital Initiatives, er fjallað um mikilvægi þess að gera rannsóknargögn opin og tryggja langtíma varðveislu þeirra svo nýta megi þau í framtíðinni.

Vísindamenn standa frammi fyrir miklum áskorunum sem felast í að varðveita rannsóknagögn og minnka hættuna á að úreltur hugbúnaður og vélbúnaður geri gögnin að lokum óaðgengileg.

Lögð er áhersla á gildi opinna skráarsniða og vísindamönnum bent á að senda gögn sín einungis til traustra gagnasafna. Með því að huga vel að þessu er hægt að tryggja aðgengi komandi kynslóða.

Lesa nánar.

*Mynd: Jørgen Stamp,  Creative Commons Attribution 2.5 Denmark 

Birt þann

Stefna um stjórnun gagna og miðlun frá NIH

Heilbrigðisstofnanir Bandaríkjanna (National Institutes of Health – NIH) hafa sett fram stefnu sína um stjórnun gagna og miðlun þeirra (e. data management and sharing – DMS). Stefnan gildir frá 25. janúar 2023 og á að stuðla að miðlun vísindalegra gagna.

Samnýting vísindagagna getur flýtt fyrir uppgötvunum á sviði líflæknisfræði t.d. með því að gera kleift að staðfesta rannsóknaniðurstöður, veita aðgengi að verðmætum gagnasöfnum og stuðla að endurnotkun gagna fyrir rannsóknir í framtíðinni.

Samkvæmt stefnunni gerir NIH ráð fyrir að rannsakendur og stofnanir taki upp eftirfarandi:

      • Geri ráð fyrir í sinni fjárhagsáætlun rými fyrir áætlun um stjórnun og miðlun gagna
      • Sendi DMS áætlun (Data Management and Sharing) til skoðunar þegar sótt er um styrk
      • Fari eftir samþykktri DMS áætlun

Sjá ítarlegri umfjöllun.

Lauslega þýtt: 
National Institutes of Health. Data Management & Sharing Policy Overview. NIH Scientific Data Sharing. Sótt 27, 2023.